ადმინისტრაციის უფროსი
დავით ტყეშელაშვილი დაიბადა 1969 წლის 16 ოქტომბერს ქ. თბილისში. 1996 წელს დაამთავრა თბილისის სახელმწიფო უნივერისტეტის იურიდიული ფაკულტეტი მაგისტრის ხარისხით სამართალმცოდნეობაში. 2005-2006 წლებში სწავლობდა ამერიკაში ემორის უნივერისიტეტის სამართლის სკოლაში, სადაც მიენიჭა LLM ხარისხი სამართალმცოდნეობაში.
თერთმეტი წლის განმავლობაში, 1995-2006 წლებში იყო საქართველოს პარლამენტის წევრი.
1995-1998 წლებში იყო უმრავლესობის ფრაქციის თავმჯდომარის მოადგილე.
1998-2002 წლებში ხელმძღვანელობდა მოქალაქეთა კავშირის ახალგაზრდულ ორგანიზაციას.
1999-2003 წლებში იყო საქართველოს პარლამენტის ადამიანის უფლებათა დაცვის კომიტეტის არასამთავრობო ორგანიზაციებთან და მედიასთან ურთიერთობის ქვეკომიტეტის თავმჯდომარე.
2003-2004 წლებში იყო პრემიერ მინისტრის აპარატის უფროსი.
2004-2006 წლებში იყო პარლამენტის წევრი, საბიუჯეტო და საფინანსო კომიტეტის წევრი.
2006-2007 წლებში იყო საქართველოს გარემოს დაცვისა და ბუნებრივი რესურსების მინისტრი.
2007-2008 წლებში იყო საქართველოს შრომის, ჯანმრთელობისა და სოციალური დაცვის მინისტრი.
2008 წელს დაინიშნა სახელმწიფო მინისტრად რეგიონული მართვის საკითხებში.
2009-2010 წლებში იყო საქართველოს რეგიონული განვითარებისა და ინფრასტრუქტურის მინისტრი და პირველი ვიცე პრემიერ-მინისტრი.
2010 წლის ივლისიდან არის საქართველოს პრეზიდენტის ადმინისტრაციის უფროსი.
ჰყავს მეუღლე და ორი შვილი.
თავისუფლად ფლობს ინგლისურ და რუსულ ენებს.