ვლადიმერ ონოფრიშვილი - საქართველოს პრეზიდენტის მრჩეველი კულტურის საკითხებში

ვლადიმერ ონოფრიშვილი დაიბადა 1982 წელს ქ. თბილისში;

2004 წელს დაამთავრა ვანო სარაჯიშვილის სახელობის თბილისის სახელმწიფო კონსერვატორიის საფორტეპიანო ფაკულტეტი;

იგი არის პიანისტთა საერთაშორისო კონკურსის - ფესტივალ „კონცერტუმისა“ (მარკოპულო, საბერძნეთი) და შოპენის სახელობის პიანისტთა საერთაშორისო კონკურსების (იუგოსლავია) ლაურეატი;

ვლადიმერ ონოფრიშვილმა შრომითი საქმიანობა დაიწყო ივანე ჯავახიშვილის სახელობის სახელმწიფო უნივერსიტეტის კაპელის აკომპანიატორად;

2006-2007 წლებში იყო ქართული მუსიკის მოყვარულთა საზოგადოების სამხატვრო საბჭოს წევრი, საზოგადოებასთან ურთიერთობის სამსახურის უფროსი;

2008-2010 წლებში იყო საქართველოს კულტურისა და ძეგლთა დაცვის სამინისტროს ხელოვნებისა და განათლების დეპარტამენტის საგანმანათლებლო პროგრამების სამმართველოს სპეციალისტი;

2010-2016 წლებში მუშაობდა საქართველოს გამოცდების ეროვნულ ცენტრში;

2017 წელს იყო მაჟორიტარი პარლამენტარის სალომე ზურაბიშვილის ბიუროს თანამშრომელი;

2018 წლის 29 დეკემბრიდან მუშაობს საქართველოს პრეზიდენტის ადმინისტრაციაში, იყო საქართველოს პრეზიდენტის კონსულტანტი კულტურის საკითხებში;

2021 წლის პირველი აპრილიდან ვლადიმერ ონოფრიშვილი დაინიშნა საქართველოს პრეზიდენტის მრჩევლად კულტურის საკითხებში;

ფლობს რუსულ და ინგლისურ ენებს.